NZEMBO YA MBOKELA :PAR EMMANUEL KANDOLO

Ba ndeko,

Esali mikolo mingi tosangani na masolo te na site na biso oyo. Bolimbisa ngai mpo na ngonga molayi pamba te nazalaki penza na ngonga mingi te ya koleka awa. Neti nazui mua ngonga, yango nalobi, tika tomeka lisusu kosolola na maye maleka na ekolo na biso. Yango wana, naye na lisolo ya ba nzembo ya mbokela oyo ezali na lien  na bayi politique, nameki kolobela lisolo ya Damien Kandolo Lopepe na Augustin Dokolo Sanu.

Na mikolo mikoya, tokomeka kokota na bozindo na likama ya papa Wemba mpo tozalaki wana, tokolobela mama Sese na mama Bobila Dawa, professeur Bonaventure Olivier Kalongo Mbikayi, André-Alain Atundu Liongo na Edouard Mokolo wa Mpombo.

Patriotiquement,

Emmanuel Kandolo

MBOKELA EN LIEN NA BA POLITICIENS

 « KEBA ! », « BONI BOYE ? », COMPOSITION, ROCHEREAU TABU, AFRICAN FIESTA VITA

Ezali mbokela ya Roger Izeidi Monkoy contre propre copine na ye, Marie-Josée Bompeli, une jolie fille ya moziki « La Mode ». Azalaki na grâce na nionso : ba bonnes manières mpe na ezaleli na ye, aisance na elateli na ye.  Akomaki kobima na Ambassadeur extraordinaire et plénipotentiaire ya Mali na Léopoldville, Alioune Diakité. Ce dernier, azalaki na poste na Léopoldville wuta 1962 tee na 1964. Il est vrai que azalaki un type élégant, alinga lisano, amateur ya ba champagnes na ba vins ya talo mpe azalaki na mbongo. Ye nde amemaki African Jazz na tournée na Afrique (tolobela yango na site na biso oyo).

Tango akomi ko tourner na Marie-Josée, akomaki kosala ba kata supérieurs, azali ko commander ba champagnes mpo esokola makolo ma Marie-Josée tout en sachant bien que Roger azali wana kaka na Tam Tam, esika  akomaki gérant. Tobunga te que yango ezalaki na 1963, African Fiesta Vita esila kosalema. Déséquilibre ya force ! Na kanda wana, akabuana na Marie-Josée mpe abuakela ye mbokola na ba compositions mibale ezali na likolo.

 « La Mode » ezalaki moziki oyo ebandaki kaka kondima ba jeunes filles instruites, physiquement bien constituées, belles mpe oyo bazali na tendance.  Exemple : Victorine Njoli, fille ya liboso oyo atambusa voiture na Léopoldville (na Congo mobimba, ye fille ya liboso azua permis de conduire), azalaki kobima na Léon Pétillon « Léo Pétillon » Gouverneur général ya Congo (1952-1958), sima, akomi Ministre ya colonie ya  Congo belge na Ruanda-Urundi (1958).

« La Mode » en tant que moziki ya O.K.Jazz, yango nde penza esimbaka mpe etelemisa O.K.Jazz mpo ba filles ya « La Mode » bazalaki kobima na bakonzi, batu ya mbongo mpe bazalaki ba véritables stars oyo babandaki ko lancer mode mpe kolata na Léopoldville. Yango wana ba commerçants ouest africains « popo » oyo babandaki koteka bimbundi mpe ba commerçants Grecs oyo bazalaki mpe na ba Editions minene ya disques babandaki ko recourir na notoriété na bango mpo na ko lancer mode. Yango wana association ebandaki kobengama « La Mode ». Soki balati elamba, na mokolo elandi, ebandi kotekama makasi. Bazalaki ba véritables stars ya époque.

Kata supérieur ya Marie-Josée ezalaki normal mpo ye ayaka déjà  Belgique na 1958, na cadre ya exposition universelle. Azalaki muasi ya « kilo », fille ya tendance, abandaki koloba français, d’où faciliter ya ko fréquenter milieu  ya mindele (mindele oyo babandaki ko tourner na ba filles congolaises) na ya ba évolués.  A l’époque, soki ozui mobali ya « je le connais » (mobali oyo ayebana, akenda sango), il faut tout Léo. emona yo, azali kosombela yo biloko, bilamba na ba bijoux ya talo, ozali kobaluka na ye na car, ba sorties na ba bars mpe ba restaurants ya minene, ko s’exposer na ville na ba restaurants ya ba hôtels Regina ou Memling. Na cadre wana nde asala ba kata minene na Ambassadeur Alioune Diakite. Esukaki wana te mpo tango Ambassadeur Aloiune Diakite, akomaki Ambassadeur na Brazzaville, na 1964, ba continuaki tee kuna…

Bien que Marie-Josée azalaki na « La Mode », moziki ya O.K.Jazz, African Jazz eyemba ye na Bruxelles, na 1960, durant Table ronde, na nzembo « Merengue Scoubidou », composition ya Vicky Longomba.

« BOPESA YE TOLI », COMPOSITION, JEANNOT BOMBENGA, VOX AFRICA.

Ezali mbokela ya mama Sese contre Président Mobutu tango ye na mama Bobila Dawa bazalaki na matata makasi. Awa lisusu guerre ya ba nganga nkisi ezalaki redoutable mpo ba nkisi oyo ebuakema na ba camps nionso mibale esala ba effets moko oyo tee na lelo oyo impact na yango ezali kaka. D’ailleurs, Monseigneur Malula, amonaka makambo na ye, tango babengaka ye na camp Lieutenant-colonel Tshatshi mpo akende ko neutraliser biloko ya mama Sese. Akoka ko neutraliser nionso te !!! Nakozongela na masolo mbala ya sima tango nakolobela parcours ya mama Sese na ma Bobila Dawa.

Mama Sese aponaki Jeannot Bombenga mpo azalaki fan na ye munene. Kutu asombela ye ba instruments. Grâce na mama Sese nde Bombenga a échappaki na bannissement, na 1970. Ezalaki na Cité du parti na N’Sele pendant ba  festivités ya 10 ans ya Nouveau régime. Na programme oyo Ambassadeur Tshibambe (chef ya Protocole d’Etat) asalaki, esengelaki Bombenga abeta devant ba Chefs d’Etat oyo bayaki na N’Sele mpo na bal populaire mpe na butu, Franco, Rochereau na ba susu bakobeta na Mont Ngaliema. Kasi tango bakonzi basilisi koliya, Président Mobutu na mama Sese bakoti na piste, Bombenga abandi kaka miziki boye, pan ! Courant ekatani.  Hein ! Président na mama Sese batelemi na piste. Ba électriciens ya présidence mbala moko babandi koluka origine ya panne bazali komona te mpo courant ezali mais ezali kokoma na connexion ya ba instruments te. Mama Sese ye moko nde a remarquer ba vas et viens ya Franco en boubou na lipapa, azali kobaluka baluka wana. Atuni Ambassadeur Tshibambe devant Président Mobutu : « Mais Franco akobeta na butu kasi awa azali kosala nini mpe pourquoi azali ko s’agiter boye ? ». Nzoka nde ye nde abuakaki biloko mpo na ko saboter Bombenga. Mama Sese a comprenaki. Na pression wana, tango Ambassadeur Tshibambe ayebisi ye que mama Sese atie ye miso, soki ayebi likambo, abongisa mpe akebisi ye que mama azali fan munene ya Jeannot mpe ye Franco ayebi yango malamu, Asengi pardon na Ambassadeur, mbala moko, ba instruments, ya sika, ebandi ko fonctionner bien !